“Bakı”dan digər klublara mesaj

Bəzi gənc futbolçuların “Bakı”nı özbaşına tərk edərək digər klublarla anlaşması klub rəhbərliyinin narazılığına səbəb olub. Futbolxeber.az-ın məlumatına görə, bu u haqda “Bakı” klubunun katibi Zəka İbrahimov açıqlama verib: “Bakı”dan ayrılan bəzi futbolçular klubu özbaşına, rəhbərliyin razılığını almadan tərk ediblər. Onların gedişindən bizim xəbərimiz yoxdur. Əksəri bizim yetişdirdiyimiz uşaqlardı. Həmin futbolçuların yetişməsində “Bakı” klubunun böyük zəhməti olub. Ona görə də həmin gənc futbolçuları heyətinə cəlb etmək istəyən komandalar ilk növbədə “Bakı” rəhbərliyi ilə danışıq aparmalıdır, futbolçunun özü ilə yox”.