Elxan Məmmədov Georgi Nikolovu ələ saldı

AFFA-nın baş katibi Elxan Məmmədov “İnter”in prezidenti Georgi Nikolovu ələ salıb. Futbolxeber.az-ın məlumatına görə, Elxan Məmmədov jurnalistlərlə görüşündə “İnter”in idarəçilik sisteminin düzgün olmadığını deyib: “Biz ora mütəxəssis göndərənə qədər “İnter” rəhbərliyi idman direktoru postunun nə olduğunu bilmirdi. Ümumiyyətlə, orada vəziyyət bir qədər qarışıqdır. Məsələn, Gerogi Nikolovun klub prezidenti olduğu deyilir. Amma rəsmi sənədlərdə onun vəzifəsi “İnter” Peşəkar İdman Klubunun kənar idarəçisi gedir. Belə də vəzifə olar? Necə yəni kənar idarəçi? (ürəkdən gülür) Kənarda olan şəxs klubu necə idarə edə bilər?”