Azərbaycan kuboku: 1/2 finaldakı 8-ci böyükhesablı qələbə

Azərbaycan kubokunun yarımfinal mərhələsinin ilk oyunlarında yeganə qələbəni “Qəbələ” qazandı. Futbolxeber.az-ın məlumatına görə, “Xəzər Lənkəran”la görüşən Yuri Syominin komandası böyük hesabla qalib gəldi - 3:0.

Azərbaycan kubokunun 22 illik tarixində indiyədək 7 dəfə yarımfinalda 3 və ya daha çox top fərqi qeydə alınmışdı. “Qəbələ” 8-ci böyükhesablı qələbənin müəllifi oldu.

Maraqlıdır ki, sonuncu böyük hesab məhz bu komandanın iştirakı ilə matçda qeydə alınmışdı. 5 il əvvəl əyalət təmsilçisi “İnter”lə ilk oyunda 0:5 hesabı ilə uduzmuşdu.

Ümumilikdə yarımfinaldakı böyükhesablı nəticələrin 3-ü ilk, 5-i cavab oyunlarına təsadüf edib.

Yarımfinalda böyükhesablı nəticələr

1993        1/2 final İnşaatçı (Bakı) - İnşaatçı (Sabirabad)   1:0, 1:4

1993/94   1/2 final  Qarabağ (Ağdam) - Xəzər (Lənkəran)  3:0, -:+

1995/96   1/2 final  Xəzri (Buzovna) - Qarabağ (Ağdam)   1:0, 0:3

1996/97   1/2 final  Qarabağ (Ağdam) - Kəpəz (Gəncə)      1:0, 0:3  

1998/99   1/2 final  Neftçi (Bakı) - Turan (Tovuz)              0:1, 3:0

2005/06   1/2 final  XəzərLənkəran - Karvan (Yevlax)               1:0, 0:3

2008/09   1/2 final  İnter (Bakı) - Qəbələ                             5:0, 0:2

2013/14   1/2 final  Qəbələ - Xəzər Lənkəran                      3:0