Zamiqin komandasından ardıcıl dördüncü məğlubiyyət

Albaniya çempionatında 34-cü turun oyunları keçirilir.

Futbolxeber.az saytının məlumatına görə, Azərbaycan milli komandasının üzvü Zamiq Əliyevin çıxış etdiyi “Eqnatiya” səfərdə Tirana “Dinamo”su ilə qarşılaşıb.

Matç həmyerlimizin komandasının məğlubiyyəti ilə başa çatıb - 0:2.

Zamiq Əliyev də bu matçın iştirakçısı olub. Meydana start heyətində çıxan həmyerlimiz 72-ci dəqiqədə Guillem Jaime ilə əvəzlənib.

Qeyd edək ki, ardıcıl dördüncü məğlubiyyətini alan “Eqnatiya” hazırda 54 xalla turnir cədvəlində dördüncü pillədə qərarlaşıb.