Ronaldo 964-ə çatdı, qolunu ərəb milli geyimində qeyd etdi

Səudiyyə Ərəbistanı çempionatının 22-ci turunda “Əl-Nəsr”in hücumçusu Kriştiano Ronaldo “Əl-Hazem”lə oyunda (4:0) dubl edib.

Futbolxeber.az saytının məlumatına görə, vurduğu 2 qol sayəsində portuqaliyalı forvardın peşəkar karyerasında vurduğu qolların sayı 964-ə çatıb.

Ronaldo matçın 13-cü dəqiqəsində hesabı açıb, 79-cu dəqiqədə isə ikinci dəfə fərqlənib. Hər iki epizodda məhsuldar ötürməni Kinqsli Koman verib.

41 yaşlı hücumçunun bununla klub karyerasındakı qollarının sayı 822-yə çatıb. O, milli komanda heyətində isə 142 dəfə rəqib qapılarına yol tapıb.

Kriştiano Ronaldonun hədəfi peşəkar karyerasında 1000 qol vurmaqdır.

K.Ronaldo dünənki matçdakı qələbəni ərəb milli geyimində qeyd edib.