"İnter"dən UEFA-ya şikayət

"İnter" UEFA Çempionlar Liqasının pley-off mərhələsinin ilk oyunları çərçivəsində "Bodo/Qlimt"lə səfər matçını keçirdikləri "Asmpira" stadionundakı süni meydançanın vəziyyətindən UEFA-ya rəsmi şikayət edib.

Futbolxeber.az saytının məlumatına görə, bu barədə İtaliya mətbuatı yazıb.

Sözügedən görüşdə "İnter" 1:3 hesabı ilə uduzub. Komandanın baş məşqçisi Kristian Kivu da matçdan sonra açıqlamasında süni meydançanın vəziyyətindən narazı olduğunu bildirib.

Milan klubu hesab edir ki, Norveç təmsilçisinin arenasındakı meydançanın keyfiyyəti əsas Avropa yarışlarının standartlarına  cavab vermir. Ona görə də "İnter" UEFA-ya rəsmi şikayət ünvanlayıb.

Matçda "İnter"in hücumçusu Lautaro Martinez baldır əzələsindən zədələnib və 61-ci dəqiqədə əvəzlənib. Son anda meydana daxil olan yarımmüdafiəçi Pyotr Zielinski də zədə alıb. "İnter"in yarımmüdafiəçiləri Davide Frattesi və Hakan Çalhanoğlu ehtiyat tədbiri olaraq oyunu buraxıblar.

Klub isə futbolçularının zədələnməsinə və tam heyətdən yararlana bilməməklərinə görə "Bodo/Qlimt"i günahlandırıb.