ÇL-də həftənin ən yaxşısı adına namizədlər açıqlandı

UEFA Çempionlar Liqasında pley-off mərhələsinin ilk oyunlarından sonra həftənin futbolçusu adına namizədlər açıqlanıb.

Futbolxeber.az-ın UEFA-nın saytına istinadən verdiyi məlumata görə, Bakıda “Qarabağ”a qalib gəldikləri (6:1) görüşdə 4 qol vuran “Nyukasl”ın hücumçusu Entoni Qordon da namizədlər arasında yer alıb.

Ondan başqa, siyahıda “Bodo/Qlimt”dən Kasper Hoq, “Bayer”dən Patrik Şik və PSJ-dən Dezire Duenin də adı var.

Qalib UEFA-nın saytında keçirilən sorğu nəticəsində məlum olacaq.

Xatırladaq ki, Entoni Qordon Çempionlar Liqasında bu mövsüm vurduğu qolların sayını 10-a çatdıraraq bombardirlər siyahısında 1-ci yerə yüksəlib.