Avro-2028-in finalı “Uembli”də keçiriləcək

2028-ci ildə 4 ölkədə - İngiltərə, İrlandiya, Şotlandiya və Uelsdə keçiriləcək Avro-2028-in təqvimi təsdiqlənib.

Futbolxeber.az saytının məlumatına görə, turnirdə ümumilikdə 51 qarşılaşma keçiriləcək.

Matçlar 4 ev sahibi ölkənin 8 şəhərində yerləşən 9 stadionda oynanılacaq.

Həmin arenalar “National Stadium of Wales” (Kardiff), “Dublin Arena” (Dublin), “Hampden Park” (Qlazqo), “St James Park” (Nyukasl), “Manchester City Stadium” (Mançester), “Everton Stadium” (Liverpul), “Villa Park” (   Birmingem), “Tottenham Hotspur Stadium” (London) və “Uembli” stadionudur (London).

Hər stadionda ən azı iki fərqli qrupun oyunları keçiriləcək.

Turnirin açılış matçı 9 iyun 2028-ci ildə Uelsin paytaxtı Kardiffdəki “National Stadium of Wales” arenasında, yarımfinal və final oyunları isə “Uembli” stadionunda təşkil ediləcək.

Qeyd edək ki, Avro-2028-də 24 komanda 6 qrupda mübarizə aparacaq.