“Old Trafford"da hər şey mümkündür”

“Mançester Yunayted”in baş məşqçisi Ruben Amorim  Avropa Liqasının 1/4 final mərhələsinin cavab oyunları çərçivəsində “Lion”a qalib gələrək (5:4, ilk oyun - 2:2) yarımfinala adlamaqlarından danışıb.

Futbolxeber.az saytının məlumatına görə, portuqaliyalı mütəxəssis deyib:

“Belə anlarda ilham almaq üçün 1999-cu ilin treblinə dair sənədli filmə baxdım. Gözəl gecə idi. Komanda yorğun idi, və 2:4 geridə idik. Deyəsən, hər şey artıq həll olunmuşdu. Amma burada heç nə bitmir. "Old Trafford"da hər şey mümkündür. Bruno Fernandesin penaltisindən sonra oyunu dəyişə biləcəyimizi hiss etdik. Biz Harri Maquayrı önə çıxarmağa çalışdıq. Çünki o, başı ilə qol vura bilən yeganə şəxsdir. Hazırda zədə səbəbindən Kobbi Mainunun formada deyil. Lakin o, qısa ötürmələrlə çox yaxşı oynayır".

Xatırladaq ki, 1999-cu ildə “Mançester Yunayted” Premyer Liqa, İngiltərə Kuboku və Çempionlar Liqasının qalibi olub.

Bu mövsüm komanda yarımfinalda "Atletik"lə qarşılaşacaq.