Obi Mikel Potterin qovulması barədə: “Ona kifayət qədər vaxt verilmişdi”

“Çelsi”nin sabiq yarımmüdafiəçisi Con Obi Mikel baş məşqçi Qrem Potterin London klubundan qovulmasını şərh edib.

Futbolxeber.az saytının məlumatına görə, o, ingilis mütəxəssisin vəzifəsindən uzaqlaşdırılmasının düzgün qərar olduğunu bildirib:

“Məncə, Potterə kifayət qədər vaxt verildi.  Hazırda “Çelsi” turnir cədvəlində 11-ci yerdədi. Bu halda uğurlu nəticədən danışmaq yersiz olar. Bilirəm ki, Potter bəzi futbolçularla danışmırdı. Komanda qura bilmirsənsə, uğurlu nəticə qazanmaq çətindi. Bəzən adama elə gəlirdi ki, o, ümumiyyətlə nə etməli olduğunu bilmir. Mən futbolçularını daim motivasiya edən məşqçiləri bəyənirəm. Amma Potterdə biz bunu görmürdük”.

Qeyd edək ki, “Çelsi” aprelində 2-də Qrem Potterlə yollarını ayırıb. Komanda müvəqqəti olaraq Frenk Lemparda tapşırılıb.