Ramuş “Benfika”dan ayrılmaq fikrində deyil

“Benfika”nın hücumçusu Qonsalu Ramuş gələcək karyerası barədə qərar qəbul etməyə tələsmir.

Futbolxeber.az saytının məlumatına görə, portuqaliyalı futbolçu “Benfika”nı hələlik tərk etmək barədə düşünmədiyini bildirib:

“Mən “Benfika”da qalmaq istəyirəm. Lakin müqaviləmin bitməsinə hələ vaxt var. Ona görə də indidən bu barədə düşünmürəm. Hazırda bütün diqqətimi Çempionlar Liqasında “İnter”ə qarşı keçirəcəyimiz oyuna yönəltmişəm”.

Qeyd edək ki, “Benfika” ilə 2026-cı ilin yayına kimi müqaviləsi olan 21 yaşlı forvardın xidmətində “Mançester Yunayted” və “Çelsi” maraqlıdı.