Deşam Jirunu milliyə dəvət etməsinin səbəbini açıqladı

Fransa millisinin baş məşqçisi Didye Deşam Olivye Jiruya dəvət göndərməsinin səbəbini açıqlayıb.

Futbolxeber.az saytının məlumatına görə, təcrübəli mütəxəssis “Milan”ın hücumçusunun yüksək səviyyədə çıxış etdiyini bildirib:

“Hamı kimi, Olivye Jiru da əsas heyətdə oynamağa layiqdi. Onun böyük təcrübəsi var. Üstəlik, Jiru yüksək səviyydə çıxışını davam etdirir. Bu halda o, milliyə dəvət almaq hüququnu qoruyur. Bəli, yaşına görə gənc deyil. Ona görə də Jiru əsas heyətdə də meydana çıxa bilər, sonradan da oyuna qoşula bilər”.

Qeyd edək ki, 36 yaşlı Jiru Fransa yığmasında 120 oyunda 53 qol vurub. O, milli komandanın tarixində ən yaxşı bombardirdi.