“Ayaks”ın kapitanından türkiyəli zəlzələ qurbanlarına hörmətsizlik

Niderland çempionatının 26-cı turu çərçivəsində keçirilən “Ayaks” - “Feyenord” oyunundan öncə qalmaqal yaşanıb.

Futbolxeber.az saytının məlumatına görə, Amsterdam klubunun kapitanı Duşan Tadiç “Feyenord”la matçda Türkiyədəki zəlzələ qurbanların xatirəsinə hörmətsizlik edib. Belə ki, serb futbolçu Erediviziyada mübarizə aparan digər klubların kapitanlarından fərqli olaraq qara sarğı taxmaqdan imtina edib.

Oyundan öncə Tadiçin bu hərəkəti “Feyenord”un kapitanı, Türkiyə millisinin üzvü Orkun Kökçünün narazılığına səbəb olub. Belə ki, matçdan öncə Kökçü hakimlərin əlini sıxsa da, “Ayaks”ın kapitanı ilə salamlaşmaqdan imtina edib.

Qeyd edək ki, görüş “Feyenord”un 3:2 hesablı qələbəsi ilə yekunlaşıb.