“Barselona” yayda onu heyətinə qatacaq

“Ayntraxt”ın müdafiəçisi Evan Ndika karyerasını “Barselona”da davam etdirməyə yaxındı.

Futbolxeber.az saytının Sport1-ə istinadən verdiyi məlumata görə, tərəflər arasında şifahi razılıq əldə olunub. Ndika yayda Kataloniya klubuna keçməyə razılıq verib.

23 yaşlı futbolçunun “Ayntraxt”la müqaviləsi mövsümün sonunda bitir. Sözləşmənin uzadılması ehtimalı yoxdu. Bu səbəbdən də keçid baş tutarsa, Ndika “Barselona”ya havayı başa gələcək.

Qeyd edək ki, müdafiəçi bu mövsüm Bundesliqada 20 oyuna çıxıb.