Antalyada oteldə Rusiya və Ukrayna klubları arasında dava düşdü

Türkiyənin Antalya şəhərində təlim-məşq toplanışında olan Rusiyanın “Şinnik” və Ukraynanın “Minay” klubları arasında dava düşüb.

Futbolxeber.az saytının Rusiya mətbuatına istinadən verdiyi məlumata görə, “Royal Seginus” otelində ilk insident dünən axşam baş verib. “Minay”ın bir neçə üzvü Yaroslavl klubunun rəisinə yaxınlaşaraq, ondan Ukrayna himnini oxumağı tələb ediblər. O isə ukraynalılara münasibətlərə küçədə aydınlıq gətirməyi təklif edib. Otelin işçilərinin müdaxiləsindən sonra aranı sakitləşdirmək mümkün olub.

Bir qədər sonra Ukrayna klubunun üzvləri liftdə “Şinnik”in futbolçularından birini döyüblər. Lift aşağı endikdən sonra isə Rusiya klubunun digər futbolçuları da komanda yoldaşlarının müdafiəsinə qalxıblar və nəticədə kütləvi dava baş verib. Polislərin və təcili tibbi yardımın gəlişindən sonra aranı sakitləşdirmək mümkün olub.

Ukraynalı jurnalist Mixail Spikakovski də baş vermiş davaya səbəb kimi himn oxunması tələbini göstərib. 

Ukraynanın “Bombardir” yutub kanalı isə baş vermiş davada rusları günahlandırıb. Bildirilir ki, guya sərxoş olan “Şinnik”in futbolçularından biri otelin işçisinə sataşıb, bu isə “Minay”ın üzvünün xoşuna gəlməyib və məhz bundan sonra kütləvi dava düşüb. 

Artıq hər iki klub oteli tərk edərək, baş yerdə məskunlaşıblar.

“Şinnik”in baş direktoru Sergey Kulakov məsələni ətraflı araşdıracaqlarını və yalnız bundan sonra lazımi açıqlama veriləklərini bildirib.