“Bavariya” ilə oyunlarda şanslar 50/50-dir”

PSJ-nin baş məşqçisi Kristof Qaltye Çempionlar Liqasının 1/8 final mərhələsində “Bavariya”ya qarşı keçiriləcək oyunlar barədə danışıb.

Futbolxeber.az saytının xarici KİV-ə istinadən verdiyi məlumata görə, fransız mütəxəssis şansları bərabər saydığını söyləyib:

“Bu, Çempionlar Liqasının oyunudur. Futbolçular güclü rəqiblərə qarşı bu cür matçlara öyrəşiblər. Hazırda əvvəlki oyunlarla müqayisədə heyətimiz daha yaxşıdı. Bununla belə, hansısa komandanın favorit olduğunu söyləyə bilmərəm. Şanslar 50/50-dir”.

Xatırladaq ki, PSJ - “Bavariya” oyunu fevralın 14-dən 15-nə keçən gecə Bakı vaxtı ilə 00:00-da start götürəcək.