“Mbappe ehtiyatda olsa, bu, oynamaq üçün olacaq, “Bavariya”nı qorxutmaq üçün yox”

PSJ-nin baş məşqçisi Kristof Qaltye Kilian Mbappenin “Bavariya” ilə oyunda meydana çıxmaq ehtimalı barədə danışıb.

Futbolxeber.az saytının məlumatına görə, təcrübəli mütəxəssis hazırda hücumçunun özünü yaxşı hiss etdiyini bildirib:

“Bu gün Mbappe komanda ilə birgə məşq etdi. Hazırlıq prosesinin sonuna kimi verilən bütün tapşırıqları yerinə yetirdi. Təəssüratlarım çox yaxşıdı. Lakin adının heyətə düşüb-düşməyəcəyini sabah müzakirə edəcəyik. İlk növbədə onun fikrini öyrənəcəm, sonra isə tibbi personalla danışacam. İndidən Kilianın heyətdə daxil edilib-edilməyəcəyini əminliklə söyləyə bilmərəm. Amma onun adı siyahıya daxil edilsə, bu, oynamaq üçün olacaq, “Bavariya”nı qorxutmaq üçün deyil”.

Qeyd edək ki, Mbappe fevralın 1-də “Monpelye” ilə oyunda zədələnib. Əvvəlcə onun “Bavariya”ya qarşı oynaya bilməyəcəyi deyilirdi.