"Qalatasaray"lı azarkeşlər böyük boykota hazırlaşırlar

Fatih Terimin işinə son verilməsi "Qalatasaray"lı fanatları özündən çıxarıb. Futbolxeber.az-ın məlumatına görə, dünən Terimin Tarabyadakı evinin qqarşısını kəsən, təcrübəli mütəxəssisə sevgisini nümayiş etdirən və ən əsası rəhbərliyi istefaya səsləyən fanatlar böyük boykota hazırlaşırlar. Belə ki, fanatlar bu həftə Superliqanın növbəti turu çərçivəsində "Çaykur Rizəspor"a qarşı keçiriləcək matçı boykot etmək qərarına gəliblər. Oyuna gedilməməsi haqda qərar qəbul edən fanatlar artıq sosial şəbəkələrdə də təbliğata başlayıblar. Mikro bloq üzərindən #boykot ederik, #FatihTerimGeriDönsün, #Rəhbərlikistefa, #ÜnalAysalİstefa, #BizimləQalİmparatorFatihTERİM mesajları ilə fanatlar 60 yaşlı mütəxəssisə sevgilərini nümayiş etdiriblər. Ən fəal fanatlar isə Terim uğrunda sonadək mübarizə aparacaqlarını qeyd ediblər. Azarkeşlər həmçinin tvitterdə öz səhifələrindəki fotolarını Terimin şəkilləri ilə əvəzləyiblər.