“İki tibb bacısı intihar etdi. Kim koronavirusun zarafat olduğunu düşünürsə, ağılsızdır”

“Atalanta”nın yarımmüdafiəçisi Ruslan Malinovski İtaliyada koronavirus pandemiyasının geniş yayılması haqda danışıb.

Futbolxeber.az saytının məlumatına görə, Ukrayna yığmasının üzvü insanları evdə oturmağa çağırıb:

“İtaliyada iki tibb bacısı intihar etdi. Bu qədər ölümə şahidlik etmək çox çətindir. İnternetdə İtaliya haqda yazılanların hamısı həqiqətdir. Odur ki, evdə oturun!

Kim koronavirusun zarafat olduğunu düşünürsə, ağılsızdır. Çalışın təbiətlə bağlı verilişləri izləyin. Çünki hər yanda ancaq neqativ fikirlərdir”.

Qeyd edək ki, 30 marta olan məlumata görə, İtaliyada 101 min nəfərdən çox insan koronavirusa yoluxub. Onlardan 14 600-ü sağalıb, 11 500-dən artıq insan həyatını itirib.