“Real”ın yeni baş məşqçisi Quti olacaq?

“Real”ın yeni baş məşqçisi Quti olacaq.

Futbolxeber.az-ın “Marca”ya istinadən verdiyi məlumata görə, belə bir iddia ilə “Mursiya”nın prezidenti Viktor Qalves çıxış edib:

“Mən Quti ilə danışmışdım. Onu baş məşqçi postuna dəvət etmək istəyirdim. Görüşüb, məsələni müzakirə etməliydik. Lakin Zidanın “Real”dan ayrılması planlarımızı pozdu.

Quti “Real”ın yeni baş məşqçisi olacaq və bu səbəbdən də “Mursiya”da çalışmayacaq. Kaş ki, Zidan “Real”dan ayrılmaqla bağlı qərarını bir neçə gün sonra açıqlayaydı...”

Qeyd edək ki, 41 yaşlı Quti “Real”ın yetirməsidir. O, 1994-2010-cu illər aralığında “Kral klubu”nun formasını geyib. 2013-cü ildən isə Madrid təmsilçisinin aşağı yaş qruplarında məşqçi kimi fəaliyyət göstərir.