“Yuventus”da ciddi itkilər

“Yuventus” “A” seriyasının 24-cü turunda “Fiorentina”ya qarşı keçiriləcək görüşə ciddi itki ilə çıxacaq.

Futbolxeber.az-ın “Football İtalia”ya istinadən verdiyi məlumata görə, Turin klubunun aparıcı üzvü Paulo Dibala qarşıdakı matçda forma geyə bilməyəcək.

Bu haqda “Qoca Sinyora”nın baş məşqçisi Massimiliano Alleqri məlumat verib. O qeyd edib ki, “Fiorentina” ilə matçda eləcə də Benedikt Hevedes, Blez Matyuidi və Xuan Kuadradonun xidmətindən yararlana bilməyəcək.

Əvəzində Duqlas Kosta fevralın 9-da meydana çıxa biləcək.