"Qarabağ"ı mütləq udmalıyıq"

"Çempionlar Liqası Avropada ən nüfuzlu klub turniridi. Hər bir futbolçu bu turnirdə çıxış etmək istəyir. Ötən mövsüm Çempionlar Liqasında oynamadığımızdan ora qayıtmaq bizim üçün çox əhəmiyyətli idi. Biz bunu bacardıq və yaxşı çıxış edəcəyimizə ümid edirik".

 

Futbolxeber.az xəbər verir ki, bu fikirləri "Çelsi"nin futbolçusu Sesar Aspilikueta Çempionlar Liqası (ÇL) haqda fikirlərini bildirirkən deyib.

 

İspna müdafiəçi ÇL-in qrup mərhələsinin ilk oyunu çərçivəsində keçiriləcək "Qarabağ"la sentyabrın 12-də keçiriləcək matçda qələbə qazanmağa çalışacaqlarını söyləyib: "Oyundan-oyuna irəliləyəcəyik. Bunun üçün ilk matçda mütləq qələbə qazanmalıyıq. Rəqiblərimizə baxsaq, hər birinin işimizi çətinləşdirə biləcəyini deyə bilərəm. Buna görə də bütün gücümüzlə oynamalıyıq. Turnirdə yalnız qələbə haqda düşünürük".

 

Xatırladaq ki, "Çelsi" C qrupunda "Atletiko", "Roma" və "Qarabağ"la birgə mübarizə aparacaq.