"Seltik" Azərbaycanı 1 pillə geri saldı

UEFA-nın yeni reytinqi açıqlanıb.

Futbolxeber.az saytının məlumatına görə, Çempionlar Liqasının (ÇL) pley-off mərhələsind keçirilən ilk 5 oyun Azərbaycanın siyahıda 1 pillə geriləməsi - 23-cü sıraya düşməsiyl nəticələnib.

Buna Şotlandiyanın birdən-birə 4 pillə irəliləməsi səbəb olub. “Seltik”in ÇL-in qrupuna Böyük Britaniya təmsilçisini 22-ci yerə qaldırıb. Belarus, Bolqarıstan və İsveç  də ölkəmiz kimi geriləyib.

Azərbaycanın cari mövsümdə qazancı 2,875-di. “Qarabağ” hamıdan çox - 1,125, artıq mübarizəni dayandıran klublarımız - “İnter” 0,750, “Zirə” 0,625, “Qəbələ” 0,375 xal əldə edib.

Azərbaycanın son 5 mövsümə əsasən hesablanan reytinq xalı 17,625-di. Ölkəmiz 22-ci olan Şotlandiyadan yalnız əlavə göstəricilərdə geri qalır.

Bu gün Danimarkada “Kopenhagen”lə görüşəcək “Qarabağ” mərhələ adlasa, ən azı 22-ci pilləni qaytarmaq mümkün olacaq. Xal qazanmağımız 21-ci yerə qədər irəliləmək üçün də yetərli ola bilər.