“Fənərbaxça” UEFA-ya şikayət etdi: “Şaxtyor”a texniki məğlubiyyət verilməlidi

“Fənərbaxça” UEFA-ya şikayət edib. Futbolxeber.az-ın məlumatına İstanbul klubu Çempionlar Liqasının III təsnifat mərhələsinin ilk oyunu çərçivəsində “Şaxtyor”un heyətində Fredin meydana çıxmasından narazıdır. Klubun rəsmi saytında yer alan məlumatda deyilir: “İyulun 28-də biz “Şükrü Saracoğlu”da “Şaxtyor”la qarşılaşdıq. Hansının ki heyətində Fred oynayırdı. Braziliya və Britaniya mətbuatı həmin futbolçuda dopinq tapıldığını yazır”.

Qeyd edək ki, “Fənərbaxça”nın şikayətinə avqustun 3-də baxılacaq.

Əlavə edək ki, “Şaxtyor” və “Fənərbaxça” arasında cavab oyunu avqustun 5-də baş tutacaq. İlk qarşılaşmada hesab açılmayıb.