La Liqanın bombardiri müəyyənləşdi: Ronaldo Messidən üstün oldu

İspaniya La Liqasında 2014/15 mövsümünün bombardirinin adı məlum olub. Futbolxeber.az-ın məlumatına görə, çempionatın ən sərrast futbolçusu Kriştianu Ronaldo olub. “Real”ın ulduzu 34 oyunda 48 qol vurub. “Barselona”lı Lionel Messinin aktivində isə 43 qol var. Özü də Ronaldodan fərqli olaraq, argentinalı forvard çempionatın bütün oyunlarında forma geyib.

Qeyd edək ki, bu dəqiqələrdə “Real” “Xetafe” ilə qarşılaşır. İlk yarıdan sonra hesab 3:3-dür. “Real”ın hər 3 oyuna qoluna Ronaldo imza atıb. İkinci hissədə portuqaliyalı futbolçu qollarının sayını da da artıra bilər. Lakin o, ikinci hissədə qol vurmasa belə, 48 dəfə fərqlənməklə rekorda imza atıb. Buna qədər Ronaldo La Liqada ən çox 2011/12 mövsümündə 46 qol vurmuşdu.