İnzagi: “Rəqib bizi maraqlandırmır, qələbə qazanacağımıza əminəm”

“Milan”ın baş məşqçisi Filippo İnzagi “A” seriyasının 30-cu turu çərçivəsində “Sampdoriya”ya qarşı keçirəcəkləri oyun haqda danışıb. Futbolxeber.az-ın məlumatına görə, İnzagi qələbəyə əmin olduğunu qeyd edib: “Bu, bizim üçün çox vacib oyundur. Ümumiyyətlə, mövsümün sonuna kimi qalan görüşlərin hər biri bizim üçün final xarakteri daşıyır. Hazırda “Sampdoriya” ilə oyuna tam hazırıq və fikrimiz sərfəli nəticə qazanmaqdı. Hər zaman demişəm ki, heyətdəki itkilərə baxmayaraq daha yaxşı oynamalıyıq. Zədəli futbolçularımızın sıraya dönməsi komandaya müsbət təsir göstərib. Bunu məşqlərdə də görmək mümkündür. “Palermoya” qarşı yaxşı oynadıq. Bu dəfə də həmin oyunu göstərməliyik. Rəqib bizi maraqlandırmır. İlk dəqiqələrdən aqressiv oynayacağıq. Qələbə qazanacağımıza əminəm”.