Konte: “Buffonun əlcəklərinin çirkləndiyini xatırlamıram”

“Bu, bizim üçün çox vacib oyun idi. Çünki İtaliya millisi xeyli müddətdir Norveçdə qələbə qazana bilmirdi”. Futbolxeber.az-ın məlumatına görə, bu sözləri Norveçlə oyundan sonra İtaliya millisinin baş məşqçisi Antonio Konte deyib.

Konte hesabı artırmaq üçün xeyli çalışdıqlarını bildirib: “Bu cür oyunlar hər zaman çətin keçir. Bu 9 gün ərzində xeyli iş gördük. İndi komandanı daha da inkişaf etdirməliyik. Buffonun əlcəklərinin çirkli olduğunu xatırlamıram. Biz hesab arasındakı fərqi artırmaq üçün xeyli çalışırdıq. İmkanlarımız da var idi. Norveçdə bütün komandalar çətinlik çəkəcək. Odur ki, qələbə qazandığımız üçün çox şadam. Bu gün heyətdə yer alan futbolçulardan 7-si dünya çempionatına aparılmamışdı. Mən heyəti heç vaxt keçmişdəki xidmətlərə görə müəyyənləşdirmirəm. Kim layiqdirsə, o da meydana çıxır”.

Xatırladaq ki, Avro-2016-nın seçmə mərhələsi çərçivəsində baş tutan oyunda İtaliya səfərdə Norveçi 2:0 hesabı ilə məğlub edib.