“Çelsi”nin yarımmüdafiəçisi futboldan uzaqlaşıb, orduya yollana bilər

“Çelsi”nin yarımmüdafiəçisi Mohamed Salah futbolçu karyerasını müvəqqəti başa vura bilər. Futbolxeber.az-ın məlumatına görə, 22 yaşlı futbolçunun ordu sıralarına qoşulmaq ehtimalı var. Salah hərbiyə yollanmamaq və ölkədən kənarda legioner həyatı yaşamaq üçün Misirdəki institutların birinə daxil olmuşdu. Lakin bu günlərdə o, həmin institutdan uzaqlaşdırılıb. Bu səbəbdən də tezliklə misirli futbolçu ordu sıralarına çağırılacaq.

Qeyd edək ki, Misir qanunvericiliyinə görə əsgərlik müddəti 1-3 il arasıdır. Üstəlik həmin vaxt ölkəni tərk etmək olmaz.

Misir millisinin direktoru Əhməd Hassan qərara belə münasibət bildirib: “Salah bildirdi ki, bu qərardan şoka düşüb. O, ən yaxşı şəkildə ölkəsiniu Avropada təmsil etməyə çalışır. Qarşılığında isə belə münasibət görür”.