Maurinyo: “Ramires “Çelsi”də qalacaq”

“Çelsi”nin baş məşqçisi Joze Maurinyo komandasının üzvü Ramiresin “Real”a keçəcəyi haqda yayılan xəbərlərə münasibət bildirib. Futbolxeber.az-ın məlumatına görə, portuqaliyalı mütəxəssis yayılan xəbərləri təkzib edib: “Mənim “Real”da çalışanlarla gzəl münasibətim var. Onlar da çox gözəl bilirlər ki, Ramires “Çelsi”də qalmağa hazırlaşır. Ramires “Çelsi”ni tərk etməyəcək. Mən isə “Real”ın heç bir futbolçusunun xidmətində maraqlı deyiləm. Nə Varan, nə də Xedira - onlardan heç biri maraq dairəmizdə deyil”.