“Çelsi”də Fabreqas kimi futbolçu yoxdur”

“Çelsi”nin müdafiəçisi Sezar Aspilikueta millidəki komanda yoldaşı Fransesk Fabreqasın London klubuna mümkün keçidini şərh edib. Futbolxeber.az-ın məlumatına görə, Aspilikueta “Çelsi”də Fabreqas kimi futbolçunun olmadığını bildirib: “Hələlik bu keçid barədə heç bir rəsmi informasiya yoxdur. Hazırda Fabreqas “Barselona”nın futbolçusudur. Sesk əla futbolçudur, eləcə də İngiltərə Premyer Liqasında böyük təcrübəyə malikdir. Biz hər birimiz aramızda yeni, güclü futbolçunu görməkdən şad olarıq. Bu cür futbolçuya hər komandada rast gəlmək mümkün deyil. O, meydanı çox yaxşı görür. Həmçinin cərimə meydançasının daxilində əla təsir bağışlayır. Statistikası da göz önündədir. Sesk bir neçə mövqedə oynaya bilər. Əminəm ki, “Çelsi”də onun kimi futbolçu yoxdur”.