DÇ-2014 bu stadionlarda keçiriləcək: “ARENA BAYŞADA”

Braziliyada keçiriləcək XX dünya çempionatına artıq sayılı günlər qalır. İyunun 12-də start götürəcək mundialın oyunları 12 stadionda keçiriləcək. Futbolxeber.az saytı mundialın oyunlarını qəbul edəcək stadionlarla oxucuları daha yaxından tanış edir.

“Arena Bayşada” - 43981 tamaşaçı tutumu

Kuritibada yerləşən “Kaldeyrau du Dyabu” arenasının açılışı 1914-cü ilin 6 iyununda baş tutub. Stadiona “İnternasional” klubunun prezidentinin adı verilmişdi. Onun qərarına əsasən 1924-cü ildə komanda “Amerika”yla birləşdi və beləcə “Atletiko Paranaense” klubu yarandı.

1990-cı ildə stadion təmir olundu. Buna 30 milyon Braziliya realı sərf olundu. Həmin vaxt stadionun təmirini Yaponiyanın “Kyocera” şirkəti aparırdı. Bu səbəbdən də stadionun adı dəyişdirilərək  “Arena Kyocera” oldu. Amma 2008-ci ildə tərəfdaşlıq sona yetdi və stadion yenidən “Arena da Baixada” adını aldı.

2008-ci ildə sözügedən stadion Dünya çempionatının matçlarını qəbul etməyə namizəd oldu. Amma tamaşaçı tutumunun az olması mənfi hal idi. Bu səbəbdən də yerli təşkilatçılar tutumu yüksəltmək barədə qərar qəbul etdilər. 2008-ci ilin 31 mayında alınmış qərara əsasən tutum 47375 nəfər kimi yüksəldi.

“Arena Bayşada”da keçiriləcək oyunlar:

16 iyun   İran - Nigeriya

20 iyun   Honduras - Ekvador

23 iyun   Avstraliya - İspaniya

26 iyun   Əlcəzair - Rusiya