“Ronaldonun dünya çempionatında oynamasına imkan verməyəcəyəm”

Qanalı cadugar Nana Kvaku Bonsam Kriştianu Ronaldonun DÇ-2014-də forma geyməyəcəyini bildirib. Futbolxeber.az-ın məlumatına görə, o, portuqaliyalı futbolçuya cadu etdiyini söyləyib: “Hələ 4 ay əvvəl bildirmişdim ki, Kriştianunun mundialda iştirakına imkan verməyəcəyəm. Ən pis halda o, Qanaya qarşı oynamayacaq. Ona mane olmağın ən yaxşı yolu zədədi. Bu zədəni tibbi yollarla müalicə etmək mümkün deyil. Bu gün Ronaldonun dizi ağrıyır, sabah belində problem olacaq, növbəti gün də başqa xəstəlikdən əziyyət çəkəcək. Sözlərimdə tam ciddiyəm”.

Qeyd edək ki, Nana Kvaku Bonsam Afrikanın ən güclü cadugarlarından hesab olunur.

Əlavə edək ki, mayın sonundu zədə alan Ronaldonun qarşıdkaı mundialda forma geyib-geyməyəcəyi hələ bilinmir. Portuqaliya millisi Almaniya, Qana və ABŞ-la eyni qrupda mübarizə aparacaq.