Cüdoçularımız Qran Prini 4 medalla başa vurdu

Bu gün Tacikistanın paytaxtı Düşənbədə keçirilən cüdo üzrə Qran Pri başa çatıb.

Futbolxeber.az saytının məlumatına görə, yarışın 3-cü günündə Azərbaycan yığmasının üç idmançısı tatamiyə çıxıb.

Vüqar Talıbov (90 kq) Yeqor Voropayevə (neytral) qalib gəlsə də, sonra Tacikistanlı Kamranşah Ustopiriona uduzub.

Elcan Hacıyev (90 kq) 1/8 finalda fransalı Loris Tosyeni məğlub edib. O, 1/4 finalda David Klammertə (Çexiya) uduzub. Hacıyev bürünc uğrunda mübarizədə Dünyagir Məmmədrəhimovu (Özbəkistan) məğlub edib.

Camal Qamzatxanov (+100 kq) ilk görüşündə Tacikistanlı Şəkərməmməd Mirməmmədova uduzub.

Qeyd edək ki, yığmamızın hesabında ümumilikdə dörd medal var. Turan Bayramov (60 kq) və Gültac Məmmədəliyeva (52 kq) gümüş, Yaşar Nəcəfov (66 kq) və Elcan Hacıyev (90 kq) isə bürünc medal qazanıblar.