Aleksand Oveçkindən daha bir rekord

“Vaşinqton”un kapitanı Aleksandr Oveçkin cari mövsüm Milli Hokkey Liqasında (NHL) vurduğu qolların sayını 39-a çatdırıb.

Futbolxeber.az saytının məlumatına görə, 37 yaşlı hokkeyçi “Minnesoto”ya 3:5 hesabı ilə uduzduqları matçda 2 dəfə rəqib qapısına yol tapıb, 1 dəfə isə məhsuldar ötürmə müəllifi olub.

Hazırda 65 oyundan sonra aktivində 68 xal (39+29) olan Oveçkin daha bir rekorda imza atıb. Belə ki, rusiyalı forvard 37 və daha yuxarı yaşda olan hokkeyçilər arasında mövsümün ilk 65 oyununda NHL-də ən çox fərqlənən oyunçu adına sahib çıxıb. O, 39 qolla Qordi Xounun rekordunu qırıb. 1968/69 mövsümündə Xou rəqib qapılarına 37 dəfə yol tapmışdı.