Rüstəm Orucov əsgərə məktub yazdı

Azərbaycan cüdoçusu Rüstəm Orucov “ASAN Könüllüləri” Təşkilatının “Əsgərə Məktub” layihəsinə qoşulub.

Futbolxeber.az saytının məlumatına görə, bu haqda o, özü Feysbuk səhifəsində paylaşım edib:

“Məktubumda Macarıstanın paytaxtı Budapeşt şəhərində cüdo üzrə "Böyük Dəbilqə" turnirində qazandığım qızıl medalı, QƏLƏBƏni Azərbaycan əsgərinə həsr etdiyimi xüsusi vurğuladım. Hər zaman zəfərləri ilə sevindirən əsgərlərimizin yanında olduğumuzu bildirdim.

Tezliklə bayrağımız işğal edilmiş bütün torpaqlarda qaldırılacaq, Azərbaycanın ərazi bütövlüyü bərpa ediləcək. Yaşasın Azərbaycan Ordusu! Qarabağ Azərbaycandır!”