Sahib Ələkbərov: “Maksim bu dərmanı içdiyini özü də etiraf edib”

Bu gün “Tour d’Azerbaidjan-2017” ilə bağlı mətbuat konfransı keçirilib. Futbolxeber.az-ın məlumatına görə, turun Təşkilat Komitəsinin sədri, Avropa Velosipedçilər Birliyinin Rəhbər Komitəsinin üzvü, Azərbaycan Velosiped İdmanı Federasiyasının vitse-prezidenti Sahib Ələkbərov dopinqə görə cəzalanan Maksim Averinin durumu ilə bağlı fikirlərini açıqlayıb.

 

O, idmançı ilə bağlı apellyasiya şikayəti etməyəcəklərini deyib: “Maksimin yoxluğunun bizə heç bir mənfi təsiri olmayacaq. Onu əvəz edəcək idmançılarımız var. O, keçən il əməliyyat olunmuşdu. Qolu, qabırğaları sınmışdı və bədəninə metallar qoyulmuşdu. İndi həmin metallar çıxarılıb. Amma o həmin vaxt heç bir yarışda iştirak etməyib. Reabilitasiya prosesi keçib. Xeyr, heç bir addım atılmayacaq. Bu barədə məktub ünvanlanıb. Maksim bu dərmanı içdiyini özü də etiraf edib. O bu addımı yarış, qələbə xatirinə içməyib. Yəni burada qərəzli addım olmayıb. Burada əsas həkim, dərman məsələsidir. Bizim federasiya olaraq, belə hallara münasibətimiz pisdi. Belə hadisə olmamalı idi, təəssüf ki, oldu”.