Rusiyalı məşhur şahmatçıya Şəmkirdə sürpriz

Azərbaycanın tanınmış şahmatçısı Vüqar Həşimovun xatirəsinə həsr olunan “Shamkir Chess-2017” superturnirinin təntənəli bağlanış mərasimi zamanı rusiyalı şahmatçı Vladimir Kramnikə hədiyyə təqdim olunub.

 

Futbolxeber.az-ın məlumatına görə, azərbaycanlı şahmat həvəskarlarının xüsusi marağına səbəb olan keçmiş rusiyalı dünya çempionu Vladimir Kramnik bağlanış mərasimində sürprizlə qarşılaşıb. Belə ki, şəmkirli həvəskar rəssam Aynur Abdullayeva Vladimir Kramnikə idmançının portretini hədiyyə edib. Aynur Abdullayeva bildirib ki, bu portreti çəkməyə onu vadar edən Kramnikin Şəmkirə olan sevgisi və turnirin açılış mərasiminin gözəlliyindən təsirlənməsi olub.

 

Xanımın şəxsi əl işi olan portreti idmançıya Şəmkir Rayon İcra Hakimiyyətinin başçısı Alimpaşa Məmmədov təqdim edib.