Türkiyəli cüdoçu: “Azərbaycan bu turnirə çox gözəl hazırlaşıb”

“Azərbaycan bu turnirə çox gözəl hazırlaşıb. Yarışda hər şey yüksək səviyyədədir”. Futbolxeber.az saytına açıqlamasında bu sözləri türkiyəli cüdoçu, Bakıda keçirilən “Böyük dəbilqə” turnirində bürünc medal qazanan Busra Kapitoqlu deyib.

Xanım cüdoçu Azərbaycanda çox yaxşı qarşılandıqlarını bildirib: “Bakıda çox yaxşı qarşılandıq. Qardaş ölkədən olduğumuz üçün bizə daha diqqət daha çoxdur. Buna görə hər kəsə minnətdaram. Çıxışımdan razı qaldım. Noyabrdan bu yana medal qazana bilmirdim. Nəhayət ki, istəyimə çatdım. Mənimlə eyni çəkidə mübarizə aparan azərbaycanlı cüdoçu da güclü idi. Bəxtsizlikdən zədələndi”.