“Bakı-2015”: Açılış mərasimində Belarus prezidenti də iştirak edəcək

Bu gün Belarus Prezidenti Aleksandr Lukaşenko Azərbaycana gəlir. Futbolxeber.az-ın "Report"a istinadən verdiyi məlumata görə, bu barədə Belarus Prezidentinin mətbuat xidmətindən bildiriblər.

Səfərdə məqsəd iyunun 12-də Bakıda keçiriləcək I Avropa Oyunlarının rəsmi açılış mərasimində iştirak etməkdir.

Məlumatda həmçinin qeyd olunub ki, A.Lukaşenko Bakıda bir sıra ikitərəfli görüşlər keçirəcək və idman obyektlərinə də baş çəkəcək.

Səfər iyunun 13-dək davam edəcək.

Qeyd edək ki, I Avropa Oyunları iyunun 12-28-də Azərbaycanda keçiriləcək.