Güloğlan Cabbarov: "Bizim kikboksinq üzrə 2009-cu ildən sonra heç bir dünya çempionumuz olmayıb"

Azərbaycan Kikboksinq federasiyasının vitse-prezidenti Güloğlan Cabbarov tanınmış kikboksinq ustası Eduard Məmmədova qarşı sensasion açıqlama ilə çıxış edib. Futbolxeber.az-ın məlumatına görə, vitse-prezident idmançını qeyri-rəsmi turnirlərdə iştirak etməkdə ittiham edib: “Eduard Məmmədov bizim ən tutullu kikboks idmançımızdır. Lakin, təəsüflər olsun ki, onun başı ciddi yarışlara yox, heç kim tərəfindıən rəsmi qəbul edilməyən turnirlərə qarışıb. Mən tam rəsmi şəkildə demək istəyirəm ki, nə biz, nə də Gənclər və İdman Nazirliyi Ümumdünya Kikboksinq assosiasiyasının (WAKO) təşkilatçığı altında keçirilən yarışlarndan başqa heç bir yarışı tanımırıq və orada qazanılan hər bir “titulu”da qəbul etmirik. Nəinki biz, həttə kikboksinq aləmində məhşur olan ölkələrdə həmçinin. Bizim kikboksinq üzrə 2009-cu ildən sonra heç bir dünya çempionumuz olmayıb. Eduard WAKO üzrə 3 qat Dünya çempionudur və buda böyük bir nailiyyətdir! Lakin, Eduard belə hərəkətləriylə, belə saxta titullarla öz həqiqi nəticələrini ucuzlaşdırır. Ciddi yarışlara hər hansı bir bəhanə ilə qatılmaq istəmir və nəticədə titul dalıyca qacaraq, özünü də bizim idman növünüdə gözdən salır. Onuda qeyd edim ki bizim yığmamızın kikbosçuları Eduard qatılan yarışlara bir məşq kimi baxır və heç kəs orada qazanılan qələbələri əlində bayraq etmir!”

Xatırladaq ki bu gün Eduard Məmmədov yerli KİV-ə açıqlamasında 21-ci dəfə dünya çempionu oldugunu rəsmən bəyan edib (atv.az).