Minifutbol üzrə Azərbaycan çempionatı: Pley-offun bütün iştirakçıları müəyyənləşdi

Minifutbol üzrə Azərbaycan çempionatında 13-cü tura yekun vurulub.

Futbolxeber.az saytının məlumatına görə, ikinci oyun günündə 4 qarşılaşma keçirilib.

16 yanvar

“Altay Füzuli” - “Star Bakı” - 0:5

“Çinar Zəngilan” - “Göyçə” - 5:5

“Zirə” - “Bakı 145” - 6:1

“Atəşgah Suraxanı” - “Laçın” 4:6

Bununla da ölkə çempionatında ilkin mərhələyə yekun vurulub. Son çempion “Birbaşa Bakı” 37 xalla ilk mərhələni lider kimi başa vurub. 3 xal az toplayan “Zirə” ikinci pillədə qərarlaşıb. İlk üçlüyü 32 xala malik ötən ilin gümüş mükafatçısı “Aznur” qapadıb. Bu 3 komanda ilə yanaşı, “Sumqayıt” (29 xal), “Galaxy” (26 xal), “Göyçə” (19 xal), “Star Bakı” (18 xal) və “Laçın” (15 xal) pley-offa vəsiqə qazanıblar.

Adıçəkilən 8 kollektiv 1/4 finaldan başlayaraq çempionluq uğrunda mübarizəni davam etdirəcəklər. 1/4 və yarımfinal mərhələsi iki matçdan ibarət olacaq.