“Qarabağ”ın futbolçusu: “Həyat yoldaşım məni hədələyir”

“Evimdə “Playstation” var. Tez-tez futbol oynayıram. Silahlı oyunlardan xoşum gəlmir. İşim olan idman növü daha çox maraq yaradır”.

Futbolxeber.az saytının məlumatına görə, bu sözləri Polşa mətbuatına müsahibəsində “Qarabağ”ın müdafiəçisi Yakub Jezniçak deyib.

O, həyat yoldaşının “Playstation” oynamasından narazı qaldığını bildirib: “Yalnız FİFA oynayıram. Həyat yoldaşım bu vəziyyətə tez-tez əsəbiləşir. O, məni “Playstation”u evdən atmaqla hədələyir. Çünki saatlarla futbol oynamaqdan doymuram. Həmçinin, yutubda videolara çox baxıram. Bu öyrəşdiyim bir şeydir” (qol.az).