“Qarabağ” - “Tvente”: Stadionun kassalarında bilet satışı oyuna 1 saat qalmış dayandırılacaq

UEFA Konfrans Liqasının pley-off mərhələsində “Qarabağ” və “Tvente” (Niderland) klubları arasında keçiriləcək cavab oyununun başlamasına 1 saat qalmış stadionun kassalarında bilet satışı dayandırılacaq.

Futbolxeber.az saytına Ağdam təmsilçisinin mətbuat xidmətindən bildirilib ki, qərar oyunöncəsi hazırlıq və təşkilati işlərin tam şəkildə həyata keçirilməsi, eləcə də azarkeşlərin stadiona rahat və təhlükəsiz girişinin təmin olunması məqsədilə qəbul edilib.

Klub azarkeşlərdən biletlərini əvvəlcədən əldə etmələrini xahiş edib.

Qeyd edək ki, avqustun 27-də Tofiq Bəhramov adına Respublika Stadionunda keçiriləcək “Qarabağ” - “Tvente” qarşılaşması saat 20:00-da start götürəcək.