“Şahdağ-Qusar” rəqibini darmadağın etdi

Yeni mövsümün hazırlıqlarını Şamaxıda davam etdirən “Şahdağ-Qusar” bu gün növbəti yoxlama oyununu keçirib.

Futbolxeber.az saytının məlumatına görə, Füzuli Məmmədovun komandası I Liqa təmsilçisi “Şimal”la üz-üzə gəlib.

Matç Qusar klubunun 4:0 hesablı qələbəsi ilə yekunlaşıb. “Şahdağ-Qusar”ın heyətində Messias dubl edib, digər qolları isə Tomarov və Dauda vurub.

Xatırladaq ki, Füzuli Məmmədovun komandası yoxlama matçlarında qələbələri sıralayır. Komanda buna qədər “Mingəçevir”i 3:0, “Qarabağ-2” və “Sabah-2”ni 4:0, “Marafon”u isə 2:0 hesabı ilə məğlub edib. Qusar təmsilçisi yalnız “Neftçi”yə məğlub olub - 1:3.