“Kəpəz”də növbəti narazılıq: Bu dəfə akademiyanın məşqçiləri ayağa qalxıb

“Kəpəz” klubunda daha bir problem yaşanıb.

Futbolxeber.az saytının sport24.az-a istinadən verdiyi məlumata görə, Gəncə klubunun akademiyasında çalışan məşqçilər təxminən iki aya yaxındır maaş ala bilmir. Əməkhaqlarının gecikməsi mütəxəssislərin narazılığına səbəb olub.

Bununla yanaşı, akademiyanın bəzi məşqçiləri ilə müqavilələr də yenilənməyib. Mütəxəssislər klubdakı gələcək talelərinin və əmək müqavilələri ilə bağlı məsələlərin qısa zamanda aydınlaşdırılmasını gözləyirlər.

Bununla da, "Kəpəz"də əsas komanda ilə yanaşı, akademiya daxilində də həllini gözləyən məsələlərin olduğu üzə çıxıb.

Qeyd edək ki, "Kəpəz" iyulun 3-də Anar Allahverdiyevin sədr seçildiyini açıqlayıb.