Millimizin toplanışına görə bu liqada 2 həftəlik fasilə olacaq

2027-ci ildə Azərbaycan və Özbəkistanda keçiriləcək FIFA U-20 dünya çempionatına hazırlıq məqsədilə Azərbaycan U-20 millisinin təlim-məşq toplanışı keçiriləcək.

Futbolxeber.az-ın PFL-in saytına istinadən verdiyi məlumata görə, toplanış 13-26 aprel tarixlərini əhatə  edəcək.

AFFA və Peşəkar Futbol Liqasının məsləhətləşmələrindən sonra bütün potenisal futbolçuların sınaqdan keçirilməsi məqsədilə Əvəzedicilər Liqasının təqvimində iştirakçı komandaların məlumatlandırılması şərtilə dəyişiklik ediləcək. Əvəzedicilər Liqasının 13 aprel tarixdə keçiriləcək oyunlarından sonra  yarışda iki həftəlik fasilə yaranacaq. 

Yarışın oynanılmayan hissəsinin yeni təqvimi ilə bağlı əlavə məlumatlar veriləcəyi bildirilib.