“Neftçi” “Qəbələ” önünə ciddi itki ilə çıxır

Az sonra “Neftçi” Azərbaycan Premyer Liqasının 9-cu turu çərçivəsində “Qəbələ”nin qonağı olacaq.

Futbolxeber.az saytının məlumatına görə, “ağ-qaralar” Qəbələdəki matça ciddi itki ilə çıxacaq. Belə ki, komandanın aparıcı üzvü Cordan Rezabala bugünkü matçda forma geyməyəcək.

Ekvadorlu yarımmüdafiəçi ötən tur “Araz-Naxçıvan”la görüşdə zədələnib. 23 yaşlı futbolçunun zədəsi ciddi olmasa da, məşqçilər korpusu riskə getməmək üçün ona bir oyunluq istirahət veriblər.

Xatırladaq ki, “Qəbələ” - “Neftçi” oyunu bu gün saat 16:00-da başlanacaq.