Mingəçevirli azarkeşlərdən Füzuli Məmmədova dəstək

Birinci Liqanın 23-cü turunda “Mingəçevir” “Baku Sportinq”i 4:0 hesabı ilə darmadağın edərək qələbə həsrətinə son qoyub.

Futbolxeber.az saytının məlumatına görə, bu qələbə sayəsində xallarının sayını 25-ə çatdıran Füzuli Məmmədovun komandası turnir cədvəlində 7-ci pilləyə yüksəlib. Hazırda “Mingəçevir” dördüncü yerdə qərarlaşan “Zaqatala”dan cəmi 3 xal geri qalır. 

“Baku Sportinq”lə matçdan sonra mingəçevirli azarkeşlər qələbəni böyük coşqu ilə qeyd ediblər. Azarkeşlər baş məşqçi Füzuli Məmmədovun lehinə şüarlar səsləndirməklə, təcrübəli mütəxəssisə dəstəklərini nümayiş etdiriblər.