30 Avqust 2025, Şənbə
Kurban Berdıyevdən qələbə şərhi
İliç: "Qələbə seriyamız bitsə də..."
Santuş millinin heyətini açıqladı
Qurbanov püşkü dəyərləndirdi

Ölkə futbolu

Ayxan Abbasov: “Tək uğurumuz Premyer Liqada qalmaq deyil”

“Stresli, maraqlı, sürətli oyun idi. Azarkeşlərimizin dəstəyi möhtəşəm idi. Onlara təşəkkür edirəm. Evdə udmaq istəyirdik. İstədiyimiz qələbə idi. Amma çətin oldu. Meydanda yaxşı mübarizə getdi. Növbəti matçlarda yüksək motivasiya ilə oynamalıyıq. Bizdən yuxarıda olan komandalara çata bilərik. Biz inanırdıq ki, "Şamaxı" istəyinə çatacaq. Az qalıb. Gələn il daha yaxşı olmaq üçün bu oyunlar vacibdir”.

Futbolxeber.az saytının məlumatına görə, bu sözləri “Şamaxı”nın baş məşqçisi Ayxan Abbasov Azərbaycan Premyer Liqasının 31-ci turunda “Kəpəz”i 2:1 hesabı ilə məğlub etdikləri oyundan sonra deyib.

Daha sonra o, jurnalistlərin suallarını cavablandırıb:

- Maykl Tuikə qırmızə vərəqə gördüyü üçün iradınız oldu? Komanda hücumçusuz qaldı...

- Bir hücumçu ilə çempionat oynamaq böyük riskdir. Xallar başqa cür olsaydı, bizim üçün çox çətin olardı. Hansısa taktiki dəyişiklik edə bilərik. Ola bilər ki, gənc futbolçu Elmar Məmmədova şans verək. Bəlkə də Tuiki əvəzləməyə gecikdik. Brahim Konate ilə Tuikin sarı vərəqəsi var idi. Nəsə fikirləşəcəyik.

- Digər komandalarda olan gənc futbolçularla maraqlanırsınız?

- Bəli.

- Tovuz səfərində nəyə ümid edəcəksiniz?

- "Turan Tovuz"un motivasiyası yüksəkdir. Evdə oynayırlar, 3-cü yer şansları var. Çox çətin oyun olacaq."Turan Tovuz"la 3 matçın heç birində pis oynamamışıq. Meydanda kim olacaqsa, əlindən gələni edəcək. Futbolçularıma inanıram.

- Legionerlərlə yeni müqavilə barədə danışıqlar aparılır?

- Bir neçə futbolçumuzun müqaviləsi davam edir. Digər oyunçularla da danışıqlar aparırıq. Bəzi futbolçuların təklifləri var. Bizim də büdcəmiz bəllidir. Bizdən başqa hamının rəsmi də olmasa, dəstəyi var. Gənc futbolçularla danışırıq. Tək uğurumuz Premyer Liqada qalmaq deyil, gənclərə də şans vermişik. Onlara şans verərkən riski gözümüzün qabağına gətiririk.

- I Liqanın "İmişli" - "Qəbələ" matçını izlədiniz. Oyundan hansı təəssüratla ayrıldınız?

- Çox oyunlara gedirəm. I Liqanın vacib matçı idi. Çox maraqlı oyun oldu. "Qəbələ"də gənc futbolçular var ki, onları iş başında görmək istəyirdim. Yaya qədər milli üçün seleksiyamız davam edəcək.

- Sponsor olsaydı, "Şamaxı" avrokuboklar uğrunda mübarizə apara bilərdi?

- Sponsorun fikri önəmlidir.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31