“Qarabağ” - “Neftçi” oyununda mövsümün ikinci göstəricisi

Azərbaycan Premyer Liqasının 31-ci turunun “Qarabağ” - “Neftçi” oyununu (3:0) 7200 tamaşaçı izləyib.

Futbolxeber.az-ın Peşəkar Futbol Liqasının saytına istinadən verdiyi məlumata görə, Tofiq Bəhramov adına Respublika Stadionundakı matçda mövsümün ikinci göstəricisi qeydə alınıb.

Yalnız bu komandalar arasında 23-cü turun görüşündə daha çox azarkeş olub. “Neftçi Arena”dakı “Neftçi” - “Qarabağ” qarşılaşmasını (0:1) 9355 tamaşaçı izləyib.

Maraqlıdır ki, mövsümün 3-cü göstəricisi də Azərbaycan derbisinə məxsusdur. 15-ci turun “Neftçi Arena”dakı “Neftçi” - “Qarabağ” (0:3) oyununda 7069 tamaşaçı olub.

Qeyd edək ki, azarkeş sayında 4-cü nəticə 9-cu turun “Sumqayıt” - “Qarabağ” matçına (0:1) məxsusdur. Mehdi Hüseynzadə adına Sumqayıt şəhər stadionundakı görüşdə 7000 izləyici qeydə alınıb.